Buwan ng Mga Guro sa Tarlac: Pagdiriwang at Pagkukuwento

Noong Setyembre, balik-Tarlac ang tambalang Adarna Group Foundation, Inc. at LBC Hari ng Padala Foundation, Inc. upang ipagdiwang ang Buwan ng mga Guro. Ang kanilang dalawang araw na bisita ay napuno hindi lamang ng kasiyahan, pero pati ng kuwentuhan at kaalaman.

Binasa ni Bb. Melissa Macarubbo ng LBC Hari ng Padala Foundation, Inc. ang “Araw sa Palengke” na isinulat ni May Tobias-Papa, iginuhit ni Isabel Roxas, at nilimbag ng Adarna House.

Nagkaroon ng masining na pagkukuwento sa San Clemente kasama ang 30 estudyante ng Balloc Child Development Center.

Bago magkuwentuhan, nag-ehersisyo muna ang mga mag-aaral ng Santo Domingo CDC sa pangunguna ni Bb. Helien Sartorio ng LBC Hari ng Padala Foundation, Inc.

Ang mga kalahok ng Palihan sa Mabisang Pagkukuwento, kasama sina Bb. Michelle Agas, AGFI Program Coordinator Pia Cervero, at ang boluntaryo ng LBC Express na si Catherine Borja.

Sa Anao, binasahan din ng kuwento ang mahigit sa 30 mag-aaral ng Santo Domingo Child Development Center. Kasabay nito ang Palihan sa Mabisang Pagkukuwento ni Bb. Michelle Agas, na dinaluhan ng 18 child development workers.

Pagdiriwang ng Buwan ng mga Guro sa San Clemente.

Bilang pasasalamat sa kanilang serbisyo, 31 child development workers sa parehong munisipalidad ang hinandugan ng mga munting palaro at regalo ng LBC Hari ng Padala Foundation, Inc. Kasama sa lahat ng pagtitipon ang mga boluntaryo mula sa LBC Express-Central Luzon branch.

Pagdiriwang ng Buwan ng mga Guro sa Anao.

Binibigyang pugay ng Adarna Group Foundation, Inc. ang lahat ng child development workers, lalo na ang mga taga-Anao at San Clemente na kanilang katuwang sa programang Handang Magbasa. Sila ay kinikilala at pinapasalamatan sa kanilang dedikasyon na gawing ganap na mambabasa ang mga bata sa kani-kanilang munisipalidad.